Foto: FIBA

Košarkaši Grčke upisali su Pirovu pobjedu u poslednjem kolu druge grupne faze. oni su pobijedli Čehe sa 84-77 a budući da im je trebala pobjeda sa 12 i više razlike, eliminisani su i pored pobjede.

Grci su dobro otvorili susret. Kontrolisali su rezultatom tokom cijelog prvog perioda a na kraju su ga dobili sa 18-12. Imali su i dvocifrenu prednost u drugom periodu. Međutim, Česi se nisu predavali. Topili su prednost da bi poenima Aude otišli na odmor sa +1. 

U trećem periodu gledali smo ravnopravnu košarku do negdje sredine ovog dijela igre. Tada Skurtopulos konačno ubacuje Tanasisa Adetokumba koji postiže 11 poena do kraja trćeeg perioda i donosi svom timu +8. Pokušali su Grci na sve načine da dođu do prednosti koja i odgovara ali jednostavno nisu uspjeli. Slavili jesu ali na kraju im je slaba vajda od pobjede.

Kalates je imao 27 poena te po šest skokova i asistencija dok je Bohačik predvodio Čehe sa 25 poena.

Česi će proći u četvrtfinale ako Amerika dobije Brazila.